Les mots surlignés font l'objet d'une note
1Monsieur, les recteurs de l’ausmonne generale des pauvres de ceste
2ville m’ont fait entendre la grande pityé qu’il y a en iceulx, tant à
3cause du grand nombre qu’il y en a, que pour la grande necessité
4de bledz estant presentement en ceste ville, qui est telle veritablement
5que si nous ne sommes secouruz de noz voysins, non seullement
6lesdits pauvres sont pour endurer une famine, mais aussi toutz les
7autres en general. Au moyen de quoy lesdits recteurs ont advisé d’envoyer
8vers vous ce present porteur exprès, que j’ay bien voulu accompaigner
9de la presente pour vous supplier, comme je faiz bien humblement d’avoir
10pityé desdits pauvres et pour cest effect qu’il vous plaise accorder
11une permission de pouvoir extraire des terres et lieux de votre
12gouvernement jusques à la quantité de troys cens asnées de bled, qui
13sera pour la provision de ladite ausmonne generale, que l’on a accoustumé
14de faire en tout temps ; et en ce faisant, oultre que ce sera une
15euvre pye, lesdits pauvres, avec tout le corps de ceste ville, seront toutz
16tenuz de prier Dieu pour vous ; et moy tousjours prest à en prendre
17mon revenche en tout ce qu’il vous plaira me commander, et d’aussi
18bonne voulunté et affection que je me recommande en cest endroict
19bien humblement à votre bonne grace, suppliant le Createur qu’il
20vous doint,
21Monsieur, en très bonne santé longue et heureuse vye. De
22Lyon, le XIXme aoust 1572.
23Votre plus afeccionné à vous faire servise
24Mandelot
25